JigalAmir
13. 9. 2002 16:52
BeMIDBAR*vajidaber Adonaj el Moshe bemidbar Sinaj!!!I rekl Hospodin Mojzisovi na pousti Sinaj!!!
במדבר פרק א
א וַיְדַבֵּר יְהוָה אֶל מֹשֶׁה בְּמִדְבַּר סִינַי, בְּאֹהֶל מוֹעֵד: בְּאֶחָד לַחֹדֶשׁ הַשֵּׁנִי בַּשָּׁנָה הַשֵּׁנִית, לְצֵאתָם מֵאֶרֶץ מִצְרַיִם--לֵאמֹר. ב שְׂאוּ, אֶת רֹאשׁ כָּל עֲדַת בְּנֵי יִשְׂרָאֵל, לְמִשְׁפְּחֹתָם, לְבֵית אֲבֹתָם--בְּמִסְפַּר שֵׁמוֹת, כָּל זָכָר לְגֻלְגְּלֹתָם. ג מִבֶּן עֶשְׂרִים שָׁנָה וָמַעְלָה, כָּל יֹצֵא צָבָא בְּיִשְׂרָאֵל--תִּפְקְדוּ אֹתָם לְצִבְאֹתָם, אַתָּה וְאַהֲרֹן. ד וְאִתְּכֶם יִהְיוּ, אִישׁ אִישׁ לַמַּטֶּה--אִישׁ רֹאשׁ לְבֵית אֲבֹתָיו, הוּא. ה וְאֵלֶּה שְׁמוֹת הָאֲנָשִׁים, אֲשֶׁר יַעַמְדוּ אִתְּכֶם: לִרְאוּבֵן, אֱלִיצוּר בֶּן שְׁדֵיאוּר. ו לְשִׁמְעוֹן, שְׁלֻמִיאֵל בֶּן צוּרִישַׁדָּי. ז לִיהוּדָה, נַחְשׁוֹן בֶּן עַמִּינָדָב. ח לְיִשָּׂשכָר, נְתַנְאֵל בֶּן צוּעָר. ט לִזְבוּלֻן, אֱלִיאָב בֶּן חֵלֹן. י לִבְנֵי יוֹסֵף--לְאֶפְרַיִם, אֱלִישָׁמָע בֶּן עַמִּיהוּד; לִמְנַשֶּׁה, גַּמְלִיאֵל בֶּן פְּדָהצוּר. יא לְבִנְיָמִן, אֲבִידָן בֶּן גִּדְעֹנִי. יב לְדָן, אֲחִיעֶזֶר בֶּן עַמִּישַׁדָּי. יג לְאָשֵׁר, פַּגְעִיאֵל בֶּן עָכְרָן. יד לְגָד, אֶלְיָ